Չաղը ո՞նց է վնասազերծելու, ո՞նց է վազելու հանցագործի հետևից, թող մեկը բացատրի
«Չաղը ո՞նց է վնասազերծելու, ո՞նց է վազելու հանցագործի հետևից, թող մեկը բացատրի: Հիմա բոլոր փաստաթղթերով կա, որ իրենք ֆիզիկական պատրաստության ատեստավորումն անցե՞լ են: Եկեք գնանք ոստիկանություն, զինված ուժեր, քրեակատարողական ծառայություն, տեսնենք՝ քանի՞ տոկոսի մասին է թղթի գրածն համապատասխանում իրականությանը»:Այս մասին կառավարության նիստում «Ոստիկանությունում ծառայության մասին օրենքում փոփոխություններ և լրացումներ կատարելու մասին» օրենքի նախագծի քննարկման ժամանակ ասաց ՀՀ վարչապետ Նիկոլ Փաշինյանը:
«Բոյով լինել՝ դեռ չի նշանակում այդքան ճարպկություն ունենալ: Նկատի ունեմ, ասում ենք՝ հասակը չի համապատասխանում այդտեղ բոդի շեյմինգի էլեմենտ կա, բայց երբ որ ասում ենք՝ գիտեք ինչ, զինվորական ծառայության մեջ եք, պետք է քաշի ստանդարտի մեջ լինեք և ֆիզիկական պատրաստության ստանդարտի մեջ լինեք, այդտեղ բոդի շեյմինգի ոչ մի բան չկա, ոչ մի էլեմենտ չկա»,-ասաց նա:
