Ցնցված ենք Գրաց քաղաքի դպրոցում տեղի ունեցած կրակոցներից․ ՀՀ ԱԳՆ
Ցնցված ենք Գրաց քաղաքի դպրոցում տեղի ունեցած կրակոցներից։ Այս մասին ասված է ՀՀ ԱԳՆ թվիթերյան էջում։«Մեր անկեղծ ցավակցությունն ենք հայտնում զոհերի ընտանիքներին այս սարսափելի ողբերգության կապակցությամբ։
Մեր մտքերը նրանց և ավստրիացի ժողովրդի հետ են»,- ասված է հաղորդագրության մեջ։
Ավստրիայի կանցլեր Քրիստիան Շտոքերը եռօրյա ազգային սուգ է հայտարարել հարավարևմտյան Գրաց քաղաքի դպրոցում տեղի ունեցած հրաձգության կապակցությամբ, որի հետևանքով զոհվել է ինը մարդ, մի քանիսը ծանր վիրավորվել են։
Զոհվել է նաև կասկածյալը, ով, ամենայն հավանականությամբ, ինքնասպան է եղել։ Եվս 28 մարդ տեղափոխվել են հիվանդանոց։
Ըստ հրապարակման՝ հարձակվողը, որը, ենթադրաբար, նախկին աշակերտ է, կրակ է բացել Գրացի BORG դպրոցի երկու դասարաններում։
