«Nissan»-ը Հրազդանի կիրճում բախվել է բազալտե եզրաքարերին և գլխիվայր հայտնվել Հրազդան գետում
Այսօր՝ հունիսի 18-ին, ավտովթար է տեղի ունեցել Երևանում։ Ժամը 18:30-ի սահմաններում Երևանի բնակիչ 23-ամյա Հայկ Գ.-ն իր վարած «Nissan» մակնիշի ավտոմեքենայով Հրազդանի կիրճում՝ «Ֆլորենս» ռեստորանային համալիրի հարևանությամբ, դեռևս անհայտ հանգամանքներում դուրս է եկել երթևեկելի գոտուց, բախվել քարերին, հողաթմբի և գլխիվայր հայտնվել Հրազդան գետում։Ինչպես դեպքի վայրից հայտնում է ֆոտոլրագրող Գագիկ Շամշյանը, վթարի հետևանքով վարորդը, ում առաջինն օգնության են հասել քաղաքացիները, տեղափոխվել է «Արմենիա» բժշկական կենտրոն։
Օպերատիվորեն դեպքի վայր են ժամանել ՀՀ Ներքին գործերի նախարարության Փրկարար ծառայության Երևանի թիվ 5-րդ հրշեջ-փրկարարական ջոկատից 1 մարտական հաշվարկ, ինչպես նաև ժամանել է ճգնաժամային կառավարման ազգային կենտրոնի օպերատիվ խումբը։
Միացեք նաև Hayacq.com-ի տելեգրամյան ալիքին
