Իրանի խորհրդարանն որոշում է կայացրել դադարեցնել համագործակցությունը ՄԱԳԱՏԷ-ի հետ
Իրանի խորհրդարանի խոսնակը հայտարարել է, որ Ատոմային էներգիայի միջազգային գործակալությունը՝ ՄԱԳԱՏԷ-ն դարձել է քաղաքական գործիք։ Երկրի հարաբերությունները կազմակերպության հետ վատթարացել էին դեռևս Իսրայելի գործողությունից և ԱՄՆ-ի հարվածներից առաջ, և Թեհրանը սահմանափակել էր գործակալության տեսուչների մուտքը իր օբյեկտներ։
Իսլամական խորհրդատվական ժողովը (Իրանի խորհրդարան) մտադիր է ընդունել օրինագիծ՝ ՄԱԳԱՏԷ-ի հետ համագործակցությունը կասեցնելու մասին՝ հայտարարել է խոսնակ Մոհամմադ Բաղեր Ղալիբաֆը։
«Աշխարհը հստակ տեսավ, որ ՄԱԳԱՏԷ-ն չի կատարել իր պարտավորություններից որևէ մեկը և դարձել է քաղաքական գործիք»,-ասել է Բաղեր Ղալիբաֆը։
Համագործակցությունը կդադարեցվի մինչև Թեհրանը միջազգային կազմակերպությունից չստանա «պրոֆեսիոնալ վարքագծի օբյեկտիվ երաշխիքներ»՝ ասել է խոսնակը։
