Հունիսի 27-ին կդադարեցվի հետևյալ հասցեների գազամատակարարումը          Հունիսի 27-ին կդադարեցվի բազմաթիվ հասցեների էլեկտրամատակարարումը       Տեսանյութ.Հզոր պայթյուն է տեղի ունեցել Ադրբեջանի Պաշտպանական արդյունաբերության նախարարության «Ալով» գործարանում    

25 հուն 2025 19:11

Կրակոցներ՝ Էջմիածնում, կասկածյալը գեներալ Մանվել Գրիգորյանի թոռն է

Կրակոցներ՝ Էջմիածնում, կասկածյալը գեներալ Մանվել Գրիգորյանի թոռն էԵրեկ՝ հունիսի 24-ին, կրակոցներ են հնչել Արմավիրի մարզում։

Ինչպես նշում է Shamshyan. com-ը ժամը 23։30-ի սահմաններում ՀՀ ներքին գործերի նախարարության ոստիկանության քրեական ոստիկանության գլխավոր վարչության Արմավիրի մարզային քրեական վարչությունում հերթական օպերատիվ տեղեկություններն են ստացվել, որ Երևան-Արմավիր ավտոճանապարհի Վաղարշապատ քաղաքի Աշտարակի խճուղում գործող գազալցակայանում կրակոցներ են հնչել։

Տեղում պարզվել է, որ օպերատիվ տեղեկությունը հավաստի է և նշված գազալցակայանից քրեական ու համայնքային ոստիկանները ոստիկանության Վաղարշապատի բաժին են տեղափոխել Արմավիրի մարզի բնակիչ 24-ամյա Մանվել Գրիգորյանին, ով կասկածվում է կրակոցներ արձակելու մեջ։

Ոստիկաններին հաջողվել է հայտնաբերել նաև հանցագործության գործիք ինքնաձիգը, դեպքի վայրում էլ հայտնաբերվել է մի քանի կրակված պարկուճ։

Ինքնաձիգը ու կասկածյալ Մ․ Գրիգորյանը ոստիկանությունից ներկայացվել են քննչական բաժին։

Լրատվամիջոցի տեղեկություններով՝ Մ․ Գրիգորյանը գեներալ-մայոր Մանվել Գրիգորյանի թոռն է, Էջմիածնի նախկին քաղաքապետ Կարեն Գրիգորյանի որդին։

Մեկնաբանություններ


Համընկնող լուրեր