Բագրատ Սրբազանին տեղափոխել են ԱԱԾ շենքում գտնվող «Երևան-Կենտրոն» ՔԿՀ
Բագրատ արքեպիսկոպոս Գալստանյանը տեղափոխվել է «Երևան-Կենտրոն» ՔԿՀ։ Այս մասին հայտնել է փաստաբան Սերգեյ Հարությունյանը։Ինչպես արդեն տեղեկացրել ենք՝ Բագրատ սրբազանը կալանավորվել է իբրև ահաբեկչության նախապատրաստման և իշխանության յուրացման նախապատրաստման քրեական գործով։
Կալանավորվել են նաև Բագրատ արքեպիսկոպոս Գալստանյանը, ՀՅԴ ԳՄ անդամ Իգոր Սարգսյանը, Տավուշի թեմի մամուլի քարտուղար, Սրբազան պայքարի մասնակից Լիդյա Մանթաշյանը, Արցախի ԱԺ պատգամավոր Դավիթ Գալստյանը, գնդապետ Միհրան Մախսուդյանը, Բագրատ սրբազանի օգնական Մովսես Շարբաթյանը, զոհված զինծառայողի հայր Արա Ռոստոմյանը, Աղվան Արշակյանը, բլոգեր Արմեն Ալեքսանյանը, Կարո Օկոմուշյանը և Տիգրան Թոփալյանը։
