Նիկոլ Փաշինյանի՝ «կտանեմ բոլորիդ՝ ԱԱԾ պադվալները կլցնեմ» հայտարարությունն արդյոք ներգործություն չէ՞․ Դանիելյանը՝ Վարդապետյանին
Արդյո՞ք ներգործություն չէ՝ ԱԺ ամբիոնից Նիկոլ Փաշինյանի կողմից այն հայտարարությունները, որն ուղղված էր ընդդիմությանը՝ «կտանեմ բոլորիդ՝ ԱԱԾ պադվալները կլցնեմ», արդյո՞ք ներգործություն չէ Նիկոլ Փաշինյանի կողմից «սմս»-ները՝ ԲԴԽ նախագահին, ուժային կառույցներին։ Այս մասին ԱԺ-ում ասաց «Հայաստան» խմբակցության պատգամավոր Գառնիկ Դանիելյանը՝ հստակ գնահատականներ պահանջելով դատախազ Աննա Վարդապետյանից։Այս հարցադրումներին, Վարդապետյանն, իհարկե չպատասխանեց, նշեց, թե այն կապ չունի միջնորդագրի հետ։
Գառնիկ Դանիելյանը, միջնորդագրի վերաբերյալ հարցադրում կատարելով, արձանագրել է, որ դատախազն ԱԺ-ում պնդում է, որ Արծվիկ Մինասյանն ասել է, թե գույքը պատկանում է Սեյրան Օհանյանին, մինչդեռ, Արծվիկ Մինասյանն ասել է, որ որքանով իրեն հայտնի է, որոշ ժամանակ գույքն օգտագործվել է Օհանյանի կողմից։
