Իրանը Ռուսաստանի հետ համագործակցությամբ կամ առանց դրա, կկանխի Կովկասում ամերիկյան միջանցքի ստեղծումը
Իրանի Իսլամական Հանրապետության գերագույն հոգևոր առաջնորդ Ալի Խամենեիի խորհրդական Ալի Աքբար Վելայաթին հայտարարել է, որ Իրանը Ռուսաստանի հետ համագործակցությամբ կամ առանց դրա, կկանխի Կովկասում ամերիկյան միջանցքի ստեղծումը։ Նա ընդգծել է, որ Իրանի հյուսիսային սահմաններին ՆԱՏՕ-ի մոտեցումը և Հեզբոլլահի զինաթափումը ոչ այլ ինչ են, քան անհասանելի երազանքներ։ «Իրանը դեմ է միջանցքի ստեղծմանը, որը կանցնի Հայաստանով և կկապի Ադրբեջանի հիմնական մասը Նախիջևանի հետ։
ՆԱՏՕ-ի երկրները ցանկանում են թուլացնել Իրանի և Ռուսաստանի միջև համագործակցությունը՝ «Զանգեզուրի միջանցքը» հանձնելով ԱՄՆ-ի վերահսկողությանը։
Իրանը Ռուսաստանի հետ, թե՝ առանց, կխոչընդոտի ԱՄՆ միջանցքի առկայությունն Կովկասում»,- հայտարարել է Խամենեիի օգնականը։
Նրա խոսքով, ԱՄՆ-ի կողմից աջակցվող Հարավային Կովկասում միջանցքի նախագիծը դավադրություն է և ուղղված է սահմանների փոփոխությանը և Հայաստանի բաժանմանը։
