Մենք առաջին անգամ բյուջեն քննարկում ենք խաղաղության պայմաններում
Ֆինանսների նախարար Վահե Հովհաննիսյանը ներկայացրել է Հայաստանի Հանրապետության 2026 թվականի պետական բյուջեի նախագիծը՝ այն բնորոշելով որպես կառավարության հնգամյա գործունեության ամփոփում և խաղաղ զարգացման նոր փուլի մեկնարկ։«Սա մեր կառավարության ամփոփիչ բյուջեն է՝ մարտահրավերներով լի հնգամյա ճանապարհի տրամաբանական եզրափակումը: Այսօր երջանկությամբ եմ արձանագրում, որ մենք առաջին անգամ բյուջեն քննարկում ենք խաղաղության պայմաններում»,- ասել է Հովհաննիսյանը։
Հովհաննիսյանի խոսքով՝ տնտեսական կայունությունն ապահովելու համար անհրաժեշտ է նորարարությունների և մարդկային կարողությունների ներդաշնակ համադրություն՝ պահպանելով սոցիալական արդարությունը։ «Յուրաքանչյուր հայաստանցի պետք է ունենա ստեղծարար միտքն արտահայտելու և այն գործարկելու հնարավորություն։ Այսօրվա որոշումներն են ձևավորելու մեր ապագա պետությունն ու հասարակությունը»,-ընդգծել է նա։
