Տեսանյութ.Քրեական ոստիկանները հայտնաբերել են թմրամիջոցներ իրացնողին, որը ձերբակալվել է
Քրեական ոստիկանության գլխավոր վարչության թմրամիջոցների անօրինական շրջանառության դեմ պայքարի վարչությունում ստացված օպերատիվ տեղեկության համաձայն 43-ամյա մի տղամարդ տելեգրամյան հավելվածի միջոցով պարբերաբար ձեռք էր բերում տարբեր տեսակի թմրամիջոցներ և դրանք իրացնում՝ տեղադրելով մայրաքաղաքի տարբեր հատվածներում:Հետագա միջոցառումների արդյունքում դեկտեմբերի 16-ին ստացվեց արդեն կոնկրետ տեղեկություն, որ նա իր բնակության վայրի տարածքում ձեռք է բերել թմրամիջոցների հերթական խմբաքանակը և թաքցրել իր տան խորդանոցում: Այս մասին հայտնում են ՆԳՆ ոստիկանությունից։
Նույն օրը` ժամը 10-ի սահմաններում, մայրաքաղաքի Նազարբեկյան թաղամասում նա ձերբակալվեց ու տեղափոխվեց Համայնքային ոստիկանության Մաշտոցի բաժին:
Աջափնյակ և Դավթաշեն վարչական շրջանների քննչական բաժնում նախաձեռնվեց քրեական վարույթ, և հաջորդ օրը, դատարանի որոշմամբ, խուզարկվեց խորդանոցը: Հայտնաբերվեց ընդհանուր 81 գրամ մեթամֆետամին տեսակի թմրամիջոցի վեց փաթեթ ու ևս ութ փաթեթ` լցված ընդհանուր 477 գրամից ավելի մարիխուանայով։
Նախաքննությամբ հանգամանքները պարզվում են
