Հունվարի 9-ին Երկրի վրա մագնիսական փոթորիկներ են կանխատեսվում
Հունվարի 9-ին Երկրի վրա հնարավոր են թույլ մագնիսական փոթորիկներ՝ նվազագույն G1 ինտենսիվությամբ։ Այս մասին այսօր հայտարարել է Ռուսաստանի Արեգակնային աստղագիտության լաբորատորիան։Գիտնականները նշում են, որ կանխատեսումը անկայուն է պլազմային ամպի ուժեղ կողմնային տեղաշարժի պատճառով։
Արեգակնային ակտիվության մակարդակը, ըստ հաղորդումների, մնում է ցածր, և առաջիկա օրերին բռնկումների զգալի աճ չի սպասվում։ Հաջորդ երկու օրերի ընթացքում հնարավոր է արեգակնային քամու արագության չափավոր աճ՝ Արեգակի՝ Երկրին ուղղված կողմում պսակաձև անցքի առաջացման պատճառով։
