2026 թվականին Արցախից տեղահանված ընտանիքներում ծնված երեխաները նույնպես կդառնան բնակծրագրի շահառու

2026 թվականին Արցախից բռնի տեղահանված ընտանիքներում ծնված երեխաները նույնպես կդառնան «Լեռնային Ղարաբաղից բռնի տեղահանված ընտանիքների բնակարանային ապահովման պետական աջակցության ծրագրի» շահառու։ Այս մասին «Փաստինֆո»-ի հետ զրույցում ասել է Աշխատանքի և սոցիալական հարցերի նախարարի մամուլի քարտուղար Նվեր Կոստանյանը։

Հիշեցնենք, որ ըստ ՀՀ կառավարության որոշման Արցախից բռնի տեղահանված քաղաքացիներից յուրաքանչյուրին տրամադրվում է 3, 4, կամ 5 միլիոն դրամ աջակցություն՝ կախված բնակության վայրից։