Նոր ատոմակայանի տիպը մոդուլային կլինի, կորոշենք, թե որ երկրի հետ ենք աշխատելու
2026 թվականի ընթացքում կարևոր որոշում ենք ընդունել, որ ատոմակայանի տիպը պետք է լինի մոդուլային: Այս մասին մամլո ասուլիսի ժամանակ ասել է ՏԿԵ նախարար Դավիթ Խուդաթյանը:«Մենք շարունակելու ենք ուսումնասիրել մեզ տրվող առաջարկները այդ մասով, մասնավորապես՝ Ռուսաստանի Դաշնության, Միացյալ Նահանգների, Չինաստանի, Կորեայի և Ֆրանսիայի մասով:
Մոդելի ընտրության հետ կապված վերջնական որոշում չունենք, այդ հարցը կիրականացվի 2026 կամ 2027 թվականին:
Կախված մոդելի ընտրությունից՝ արդեն կորոշվի, թե որ երկրների հետ ենք իրականացնելու աշխատանքը: Քանի-որ մոդուլային ատոմակայանների սիստեմը նախկինում լայն տարածված չի եղել, լրացուցիչ ուսումնասիրելու անհրաժեշտություն կա, ինչը և մենք անում ենք»,-նշել է նա:
