Բաքվի դատարանը Ռուբեն Վարդանյանին դատապարտել է 20 տարվա ազատազրկման
Գործարար Արցախի նախկին պետնախարար Ռուբեն Վարդանյանը դատապարտվել է 20 տարվա ազատազրկման։Հիշեցնենք, որ դատախազը պահանջել էր Ռուբեն Վարդանյանին դատապարտել ցմահ ազատազրկման:
Փետրվարի 10-ին տեղի ունեցած «դատավարությունն» ավարտվել է քննության ավարտի մասին հայտարարությամբ, որից հետո «դատավորների» կազմը հեռացել է խորհրդակցական սենյակ։
Վարդանյանին մեղադրում են «Ադրբեջանի դեմ պատերազմական գործողությունները հովանավորելու համար»։
Երբևէ զինվորական պաշտոն չզբաղեցրած Արցախի նախկին պետնախարարին Բաքուն մեղադրում է մի շարք հանցանքների, այդ թվում՝ Ադրբեջանի դեմ պատերազմ ծրագրելու, նախապատրաստելու և իրագործելու, ահաբեկչության ֆինանսավորման, մարդկանց տեղահանելու մեջ:
