Անտոնիո Գուտերեշը ողջունել է Իրան-ԱՄՆ հրադադարի երկարաձգումը
ՄԱԿ-ի գլխավոր քարտուղար Անտոնիո Գուտերեշը ողջունել է Միացյալ Նահանգների կողմից Իրանի հետ հրադադարի երկարաձգման մասին հայտարարությունը` այն անվանելով լարվածության նվազեցման և դիվանագիտության համար տարածք ստեղծելու կարևոր քայլ։ՄԱԿ-ի խոսնակ Ստեֆան Դյուժարիկը երեքշաբթի օրը լրագրողների հետ զրույցում նշել է, որ գլխավոր քարտուղարը ողջունում է Միացյալ Նահանգների կողմից հրադադարի երկարաձգման մասին հայտարարությունը։
Դյուժարիկը շեշտել է, որ այս քայլը կարևոր է լարվածության թուլացման, Իրանի և Միացյալ Նահանգների միջև դիվանագիտության և վստահության ամրապնդման նպատակով կենսական տարածք ստեղծելու համար։
Խոսնակը կոչ է արել բոլոր կողմերին օգտվել այս հնարավորությունից, զերծ մնալ հրադադարը խաթարող ցանկացած գործողությունից ու կառուցողականորեն մասնակցել բանակցություններին՝ տևական ու կայուն լուծման հասնելու համար։
