Իրանի գերագույն առաջնորդի խորհրդականը զգուշացրել է ԱՄԷ-ին ու Քուվեյթին Թեհրանի դեմ ԱՄՆ-ին աջակցելու հետ կապված
Իրանի գերագույն առաջնորդի խորհրդական Մոհամմադ Մոխբերը զգուշացրել է Արաբական Միացյալ Էմիրություններին ու Քուվեյթին Թեհրանի դեմ ԱՄՆ-ին աջակցելու հետ կապված։«Իրանը տարիներ շարունակ նրանց վերաբերվել է որպես ընկերների և եղբայրների, բայց նրանք, նախապես վաճառելով իրենց ինքնիշխանությունը, նույնիսկ իրենց հողերն ու տները հանձնել են Պաղեստինի և Իրանի թշնամիներին։ Իսլամական Հանրապետության պատասխանը վերջերս տեղի ունեցած լայնածավալ պատերազմում վարձակալված ԱՄՆ կենտրոնական հրամանատարության դիրքերին լիարժեք չէր. սակայն այս զսպվածությունը, անշուշտ, հավերժ չի տևի»,-գրել է Իրանի գերագույն առաջնորդի խորհրդականը։
