Մի՛ շտապեք դեն նետել կոշիկների և պայուսակների սիլիկոնե գելերի պարկերը
Արդյոք գիտե՞ք, որ սիլիկոնե գելերի պարկերը, որոնք հանում եք կոշիկի կամ պայուսակի տուփերի միջից, կարող են օգտակար լինել: Դրանք իրականում նախատեսված են կոշիկի կամ պայուսակի՝ կաշվի խոնավությունը քաշելու համար: Մի շպրտեք դրանք, այլ հավաքեք և օգտագործեք տանը՝ այլ նպատակներով:
Հեռախոս- Եթե հեռախոսը գցել եք ջրի մեջ, հանեք այն ջրից, ապա հանեք քարտը: Հեռախոսը տեղադրեք սիլիկոնե պարկերի արանքում և թողեք մնա մի քանի օր: Հեռախոսը լիցքավորման մի՛ դրեք մի որոշ ժամանակ, քանի դեռ չեք համոզվել, որ այն ամբողջովին չորացել է:
Նկարներ և հավաքածուներ- Հին նկարները, ամսագրերն ու օրագրերը լավ պահպանելու համար պարզապես մի քանի սիլիկոնե պարկեր տեղադրեք դրանց էջերի արանքում: Նման կերպ կարող եք պահպանել նաև հին փողերը, դրոշմանիշերը, նկարները կամ կոլեկցիոն անձեռոցիկները:
