ՀՀԿ-ն այլևս առաջին պլանում չէ. երկու կարևոր դրվագ Սարդարապատում

Երկրորդ դրվագը առավել քան ուշագրավ էր։ Նախկինում Սարդարապատի հուշահամալիրում իշխանության տարբեր տրամաչափի չինովնիկներ սեփական մեքենաներով եւ անվտանգության ուղեկցությամբ գալիս եւ տոնական միջոցառմանը մասնակցելուց հետո արագ հեռանում էին, անհաղորդ մնալով սեփական ժողովրդին։ Երեկ տեղի ունեցավ  բոլորովին հակառակը։ Սարդարապատի հուշահամալիր Նիկոլ Փաշինյանի կառավարության անդամները բարձրացան ոտքով։ Նրանց շարքերում էին նաեւ այն պաշտոնյաները, ովքեր ՀՀԿ-ի իշխանության օրոք շարժվում էին Սերժ Սարգսյանի սահմանած խաղի կանոններով։ Բարձրաստիճան պաշտոնյաները  բավականին երկար քայլեցին, մնացին խցանումների մեջ, հաղթահարելով այն դժվարությունները, որոնք շարքային քաղաքացիների համար վաղուց սովորական ապրելակերպ է դարձել։ Խցանումների մեջ մնացողների շարքում էր նաեւ Ամենայն Հայոց Կաթողիկոս Գարեգին երկրորդը։