Մոմոյի հերթական զոհը․ 18-ամյա երիտասարդն ինքնասպանություն է գործել
Հնդկաստանի Դարջիլինգ քաղաքի ոստիկանությունը հետաքննում է 18-ամյա դպրոցականի մահվան հանգամանքները, հաղորդում է Times of India-ն։ Մանիշ Սարքի անունով երիտասարդն ինքն իրեն կախել է տան ամբարում։ Նա պատերին չարագուշակ գրություններ և նկարներ է թողնել, այդ թվում՝ «կախվածը», «սատանայի աչքը» և այլն։«Կախված մարդու այնպիսի պատկեր, ինչպիսին թողնել է Մանիշը, ես տեսել եմ Մոմո հավելվածում։ Այդ խաղն է պատասխանատու նրա մահվան համար»,-հայտարարել է զոհվածի զարմիկը։
Մայրը՝ Չանդրա Մայա Սարքին ևս վստահ է, որ որդու մահվան պատճառը Մոմոն է։
Հայտնի է, որ մահվանից ոչ շատ առաջ երիտասարդը WhatsApp հավելվածում միացել է Մոմո «խաղին», որի ավարտն ինքնասպանությունն է։
Մանիշի ուսուցչուհու խոսքով՝ աշակերտը սկզբում խաղի մի քանի հանձնարարություն է կատարել և ջնջել է այն, սակայն խաղը հանելուկային կերպով նրա հեռախոսում է հայտնվել։ Մի քանի օր անց Մանիշն ինքնասպանություն է գործել։
Մանիշի ուսուցչուհու խոսքով՝ աշակերտը սկզբում խաղի մի քանի հանձնարարություն է կատարել և ջնջել է այն, սակայն խաղը հանելուկային կերպով նրա հեռախոսում է հայտնվել։ Մի քանի օր անց Մանիշն ինքնասպանություն է գործել։
