Մի քանի ամիս առաջ հայտնաբերված «ծովահրեշի» գաղտնիքը բացահայտվել է
Մարտին համացանցում էին հայտնվել ծովային տարօրինակ կենդանու կադրեր: Համացանցի օգտատերերը կենդանուն «ծովահրեշ» էին անվանել:Սատկած անհայտ կենդանուն ծովափին գտել էր ամերիկացի Ջեֆ Ուրրենը: Նրա մատնանշած վայր էին ժամանել մի քանի կենսաբաններ և ուշադիր զննել էին շատ երկար վիզ ու շատ փոքր գլուխ ունեցող արարածին, սակայն այդպես էլ չէին կարողացել հասկանալ, թե այն ինչ կենդանատեսակի է պատկանում:
Գաղտնիքը օրերս պարզվել է: Ծովային տարօրինակ արարածը խրտվիլակ է եղել: Զարդուլու կեղծանունով հայտնի ամերիկացի նկարիչը «ծովահրեշին» ստեղծել է սեփական ձեռքերով՝ շնաձկան խրտվիլակի վրա ամրացնելով տարբեր դետալներ: Զարդուլու կեղծանունով նկարիչը միշտ հանդես է գալիս գրիմով ու արհեստական մորուքով՝ բոլորից թաքցնելով իր իսկական անունն ու արտաքինը:
