Կարինե Աճեմյանը ընտրվել է ՀՀԿ կանանց խորհրդի նախագահ
Այսօր տեղի ունեցած ՀՀԿ խորհրդի նիստի օրակարգում, բացի ընտրություններին վերաբերող հարցերից, եղել են նաև ՀՀԿ ղեկավար մարմնում որոշակի փոփոխություններ իրականացնելու մասին հարցեր։ Մասնավորապես, ՀՀԿ գործադիր մարմնի անդամ Կարեն Ավագյանի փոխարեն այժմ ԳՄ անդամ է դարձել Հայկ Մամիջանյանը։ Վիգեն Սարգսյանն ընտրվել է ՀՀԿ ղեկավարի առաջին տեղակալ։ Փոխվել է նաև ՀՀԿ կանանց խորհրդի ղեկավարը, որը մինչ այժմ Հերմինե Նաղդալյանն էր։ Առաջարկվել է Կարինե Աճեմյանի թեկնածությունը, ով քվեարկությամբ ընտրվել է ՀՀԿ կանանց խորհրդի նախագահ։
