Բնակավայրը եւ իմպոտենցիայի զարգացումը փոկապակցված են
Պարզվում է՝ բնակության վայրն ուղղակիորեն կապված է էրեկտիլ դիսֆունկցիայի հետ: Գուանչժոուի համալսարանի գիտնականներին հաջողվել է պարզել, որ մայրուղիների մոտ բնակվելը բացասաբար է անդրադառնում տղամարդկանց առողջության վրա:The Sun-ը հայտնում է, որ առնետների վրա կատարված փորձերը վկայում են այն մասին, որ ավտոմեքենաների արտաժայթքման գազերը նվազեցնում են արյան հոսքը սեռական օրգաններ՝ դրանով մեծացնելով էրեկտիլ դիսֆունկցիայի զարգացման հավանականությունը: Դրանից բացի, մշտապես աղտոտված օդ շնչող արուները սեքսի ժամանակ ավելի արագ են հոգնում, քանի որ արտաժայթքման գազերն ազդում են թոքերի ծավալի վրա:
Նշվում է, որ տղամարդկանց սեռական առողջության վրա արտաժայթքման գազերի ազդեցությունն առաջին անգամ է հայտնաբերվել:
Գիտական աշխատության արդյունքների վերաբերյալ հոդվածը հրապարակվել է Journal of Sexual Medicine ամսագրում:
Հոնկոնգի Չինական համալսարանի ավելի վաղ կատարած հետազոտության մեջ նշվում էր, որ օդի աղտոտվածության բարձր մակարդակով շրջաններում բնակվելը բացասաբար է ներգործում սերմնահեղուկի վրա:
