Տեսանյութ.Այսօրվա շատ իշխանավորներ դրսից ֆինանսավորմամբ հետևողականորեն վարկաբեկել են բանակը, զինվարականներին.Ստում եք. Թագուհի Թովմասյանը՝ Արսեն Թորոսյանին          Նշե՛ք ամսաթիվը, թե երբ է բացվելու Զանգեզուրի միջանցքը, և այդ դեպքում ոչ մի խնդիր չի լինի.Հայաստանն ու ողջ աշխարհը տեսան, որ ոչ ոք չի կարողացել կանգնեցնել մեզ       Փակ դռների հետեւում ավելի մեծ զիջումներ.Հայաստանից մնացած մասը «կպոկվի» ռազմավարական դաշնակից Ռուսաստանից ու «կնավարկի» դեպի «թուրքական նավահանգիստ»    

01 ապր 2019 10:06

Ուկրաինայի ԿԸՀ-ն մշակել է քվեաթերթիկների 45,7%-ը. Երկրորդ փուլ կանցնեն Զելենսկին և Պորոշենկոն

Ուկրաինայի ԿԸՀ-ն մշակել է քվեաթերթիկների 45,7%-ը. Երկրորդ փուլ կանցնեն Զելենսկին և ՊորոշենկոնՈւկրաինայի կենտրոնական ընտրական հանձնաժողովն ապրիլի 1-ի առավոտյան ժամը 8:00-ի դրությամբ մշակել է մարտի 31-ին կայացած նախագահական ընտրությունների քվեաթերթիկների 45,7%-ը, ինչից պարզ է դարձել, որ առաջատարը շոումեն Վլադիմիր Զելենսկին է:
Ինչպես հայտնում է korrespondent.net-ը, նրա օգտին քվեարկել է ընտրողների 30,16%-ը:
Երկրորդ տեղում գործող նախագահ Պյոտր Պորոշենկոն է՝ 16,69% ցուցանիշով, եռյակը եզրափակում է Յուլյա Տիմոշենկոն, որի օգտին քվեարկել է ուկրաինացիների 13,08%-ը: Ընտրություններին մասնակցել է մոտ 11 մլն մարդ:
Աղբյուրը մանրամասնում է, որ Զելենսկին առավելագույն քանակով ձայներ է ստացել մարզերի մեծ մասում, բացառություն են կազմել միայն Դոնեցկի, Լվովի, Իվանո-Ֆրանկովսկի և Տերնոպոլի մարզերը, որտեղ առաջատար է Պորոշենկոն, իսկ Լուգանսկում ձայների մեծամասնությունը ստացել է թեկնածու Յուրի Բոյկոն:
Ինչ վերաբերում է օտար երկրներում բացված ընտրատեղամասերին, ապա այնտեղ մշակվել են քվեաթերթիկների 91,08%-ը: Արդյունքում պարզվել է, որ ձայների մեծամասնությունը ստացել է գործող նախագահը (38,63%), մինչդեռ Զելենսկին հավաքել է 25,83%:
Այսպիսով կարող ենք արձանագրել, որ այս ընտրությունների գլխավոր ինտրիգը արդեն հայտնի է՝ Տիմոշենկոն հերթական անգամ պարտվում է, և հավանաբար նա այլևս հետագա գործընթացներում որպես լուրջ գործոն չի լինի:

Ավելի վաղ սոցիոլոգները կանխատեսել էին, որ երկրի նախագահը կարող է ընտրվել ընտրությունների 2-րդ փուլի արդյունքում:
Կենտրոնական ընտրական հանձնաժողովն ընտրությունների վերջնական արդյունքները պետք է հայտարարի մինչ ապրիլի 10-ը, սակայն նախնական արդյունքները կարող են հայտնի լինել արդեն ապրիլի 1-ի կեսօրի դրությամբ: Եթե թեկնածուներից մեկը չհավաքի ձայների կեսից ավելին, ապա ապրիլի 21-ին կկայանա ընտրությունների 2-րդ փուլը:

Մեկնաբանություններ

Համընկնող լուրեր