Ինչու հանկարծ փոխվեց Փաշինյան-Պուտին զրույցի մասին տարածված հայտարարության տեքստը
Այսօր՝ ապրիլի 1-ին, հեռախոսազրույց է տեղի ունեցել ՀՀ վարչապետ Նիկոլ Փաշինյանի և ՌԴ նախագահ Վլադիմիր Պուտինի միջև: Հեռախոսազրույցի մասին հաղորդագրություն տարածեց ինչպես ՀՀ վարչապետի մամուլի ծառայությունը, այնպես էլ Կրեմլի համապատասխան ծառայությունը:ՀՀ վարչապետի մամուլի ծառայության տարածած հայտարարությանը տեքստը, սակայն, կարճ ժամանակ անց փոխվեց: Ինչպես երևում է, ձևակերպումներից մեկը սխալ է եղել, կամ՝....
Խոսքը վերաբերում է «ՀՀ վարչապետը տեղեկատվություն է ներկայացրել օրեր առաջ Վիեննայում Ադրբեջանի նախագահ Իլհամ Ալիևի հետ կայացած հանդիպման մասին» ձևակերպմանը, որին փոխարինել է «Նիկոլ Փաշինյանը և Վլադիմիր Պուտինը քննարկել են օրեր առաջ Վիեննայում Ադրբեջանի նախագահ Իլհամ Ալիևի հետ կայացած հանդիպման արդյունքները» նախադասությամբ:
Հարկ է նշել, որ ռուսական լրատվամիջոցներում, բնականաբար, տարածվել է առաջին տարբերակը:
