Թուրքական կազմակերպության նախաձեռնությունն Արցախի օկուպացված տարածքներում          «Կառավարություն կոչվածը պետք է անհապաղ պարզաբանում տա Բաթումիում Փաշինյանի անհետացման վերաբերյալ»       Երևանում անհայտ մակնիշի և համարանիշի մեքենայով վրաերթի են ենթարկել ոստիկանության գնդապետի    

25 ապր 2019 11:25

ԱՆկարան դժգոհ է.Մենք մերժում ենք Թրամփի միակողմանի հայտարարությունը1915-ի դեպքերի մասին

ԱՆկարան դժգոհ է.Մենք մերժում ենք Թրամփի միակողմանի հայտարարությունը1915-ի դեպքերի մասինԱնկարան մերժում է ԱՄՆ նախագահ Դոնալդ Թրամփի հայտարարությունը Հայոց ցեղասպանության ոգեկոչման օրվա կապակցությամբ: Այս մասին հայտնում է РИА Новости-ին՝ մեջբերելով Թուրքիայի ԱԳՆ հաղորդագրությունը:
«Մենք մերժում ենք ԱՄՆ նախագահ Թրամփի հայտարարությունը 1915-ի դեպքերի մասին: Դրանց մեկնաբանումը, որը պայմանավորված է հայերի կողմից ստեղծված սուբյեկտիվ մոտեցմամբ, նշանակություն չունի: Պատմության խեղաթյուրումը ներքին քաղաքական պատճառներով անընդունելի է»,-ասվում է ԱԳՆ հաղորդագրության մեջ, որում նշվում է, որ Թուրքիան պնդում է ընդհանուր պատմական հանձնաժողով ստեղծելու իր առաջարկը:
ԱՄՆ-ում Թուրքիայի դեսպան Սերդար Քըլըչը հայտարարել է, որ ԱՄՆ նախագահ Դոնալդ Թրամփի՝ Հայոց ցեղասպանության 104-րդ տարելիցին նվիրված հայտարարությունը միակողմանի է, և որ դրանում հաշվի չեն առնվել «թյուրք և այլ մուսուլմանական ժողովուրդների ցավն ու վիշտը»: Այս մասին գրում են թուրքական լրատվամիջոցները: 

Քըլըչի խոսքով՝ «շատ փաստեր կան այն մասին, որ հայկական հրոսակախմբերը 1915թ.-ին Օսմանյան կայսրությունում սպանել են խաղաղ մուսուլման բնակչությանը»:

Նա նշել է, որ, չնայած Անկարան կոչ է արել Երևանին «1915թ.-ի դեպքերի» վերաբերյալ համատեղ հանձնաժողով ստեղծել, Հայաստանի իշխանությունները դեռ չեն արձագանքել դրան:

Հիշեցնենք, որ ԱՄՆ նախագահն երեկ հանդես էր եկել հայտարարությամբ՝ ասելով Միացյալ Նահանգները կանգնած է հայ ժողովրդի կողքին:
«Մեծ Եղեռն ու հարգանքի տուրքի մատուցում բոլոր նրանց հիշատակին, ովքեր տառապել են 20-րդ դարի ամենասարսափելի զանգվածային կոտորածների պատճառով: 1915 թվականից սկսած՝ Օսմանյան կայսրության վերջին տարիներին, մեկուկես միլիոն հայեր տեղահանվել են, սպանվել կամ մահվան երթի ուղարկվել: Հիշատակի այս օրը մենք կրկին միանում ենք Ամերիկայի ու ամբողջ աշխարհի հայ համայնքին՝ սգալով բազմաթիվ կյանքերի կորուստը»,-իր հայտարարության մեջ շեշտել էր Թրամփը:


Մեկնաբանություններ

Համընկնող լուրեր