Տեսանյութ. Հեսա էս ուտենք, հասնենք դեսերտին. Փաշինյանը՝ EXPO ցուցահանդեսում
Ինչպես արդեն տեղեկացրել էինք, ՀՀ վարչապետ Նիկոլ Փաշինյանն այսօր այցելել է Արարատի մարզ, որտեղ մասնակցել է «Իմ քայլը հանուն Արարատի մարզի» ներդրումային-բիզնես ծրագրերի համաժողովին:Համաժողովից հետո վարչապետը շրջել է Արտաշատում, ծանոթացել տեղական արտադրանքի ցուցահանդեսսին, խորհուրդներ տվել և լսել հայ ձեռնարկատերերի առաջարկություններն ու դիտողությունները հայկական շուկայի վերաբերյալ: Նա նաև համտեսել է ձեռնարկատերերի առաջարկած հայկական արտադրության սնունդը և ըմպելիքները:
Նա տաղավարներից մեկում սինդրիկ է համտեսել ու հարցրել, թե որտեղից են մթերում: Ի պատասխան՝ ընկերության ներկայացուցիչն ասել է. «Իջևանից: Անհատներն են բերում, կազմակերպիչներ էլ կան: Քանի որ մի քանի տասնյակ կգ-ի համար մարդիկ չեն կարող գալ, հասնել Արտաշատ, կազմակերպիչները նրանցից տեղում գնում են, բերում, հանձնում մեզ»:
Վարչապետի խոսքով` հայկական արտադրանքն արտերկիր արտահանելիս, շատ կարևոր է տվյալ ապրանքի որակը, որպեսզի օտարազգի սպառողները շուկայում ճանաչեն և նախապատվությունը տան հայկական արտադրանքին:
.jpg)
