Միայն մեկ պայման և դու Սիցիլիայի հարավում 1 եվրոյով սեփական տուն կունենաս
Սիցիլիայի հարավում գտնվող Մուսոմելի քաղաքի իշխանությունները ցանկացողներին առաջարկում են սեփական տուն ձեռք բերել մեկ եվրոյով։ Նոր տերերը պետք է կատարեն միայն մեկ պայման. նորոգեն շենքը մեկ տարում։Եթե գնորդը դա չանի, կկորցնի երաշխիքային դեպոզիտը՝ մոտ 7000 եվրոյի չափով, գրում է ՏԱՍՍ-ը՝ հղում կատարելով The Sun-ին։
Այժմ վաճառքի է հանված 100 բարձիթողի տուն։ Սպասվում է, որ առաջիկայում եւս 400 առաջարկություն կլինի։
Մուսոմելի քաղաքը, որտեղ այսօր ապրում է ընդամենը 11 հազար մարդ, հայտնի է իր խոհարարական ավանդույթներով եւ միջնադարյան ճարտարապետությամբ։ Նրա պատմական կենտրոնը՝ հարմարավետ փողոցներով, համարվում է Իտալիայի ամենահին կենտրոններից մեկը։
