Ինչպես կարող են Երևանի իշխանություններն իրենց երկիրն անվտանգ համարել, երբ նրա տարածքի որոշ հատվածներ արդեն օկուպացված են ադրբեջանցիների կողմից          Գեղարքունիքի մարզում հայրը կասկածվում է իր անչափահաս դստերը հաճախակի ծեծի ենթարկելու մեջ և փորձել է սեռական հարաբերություն ունենալ նրա հետ       Պարզվել է վանաձորցի 20-ամյա հղի կնոջ մահվան պատճառը    

29 մայիս 2019 13:12

Տեսանյութ. Եթե պիտի հարվածեք բոլորին՝ տեղ տալով մեկին,կվնասեք.Ալեն Սիմոնյանը սերտ հարաբերությունների մե՞ջ է «Վիվառո Գրուպ»-ի աշխատակիցների հետ

Ազգային ժողովի առաջ այսօր բողոքի ցույց են իրականացնում բուքմեյքերական ընկերությունների աշխատակիցները. նրանք պահանջում են վերանայել իրենց ընկերությունների գործունեության սահմանափակման մասին նախագիծը և թույլ չտալ հարյուրավոր քաղաքացիներին դառնալ գործազուրկ:
Իրավապաշտպան Հայկազ Մակարյանը նշեց, որ բուքմեյքերական գրասենյակները փակելով նպաստում են, որ օնլայն տիրույթում գործող ընկերությունների համար մենաշնորհ հաստատվի: «Մենք ասում ենք՝ եթե փակում եք, փակեք ամբողջ ցանցը, բայց ոչ թե կոնկրետ արտոնություն կամ հնարավորություն տաք մեկին: Հիմա, որ ասում են խաղամոլության վտանգ կա, ես ընդունում եմ՝ դա արատավոր բան է..»: Ապա դիմելով ԱԺ փոխնախագահ Ալեն Սիմոնյանին՝ ասաց. «Ըստ մամուլում տեղ գտած լուրերի, Ալեն Սիմոնյանը շատ սերտ հարաբերությունների մեջ է «Վիվառո Գրուպ» ընկերության աշխատակիցների հետ: Եթե պիտի հարվածեք բոլորին՝ տեղ տալով մեկին, ապա իմացեք՝ մեզ գործազրկությունն է սպառնում՝ վնասելով նաև տնտեսությանը»:
«Պետք է կանոնակարգում մտցվի այս նախագծում: Մենք պահանջում ենք մեզ հետ հանդիպման գա անձամբ Արարատ Միրզոյանը»,- հայտարարեց իրավապաշտպանը:
Նշենք, որ նախագծի համահեղինակներն են ԱԺ փոխխոսնակ Ալեն Սիմոնյանը և «Իմ քայլ»-ից պատգամավոր Սիփան Փաշինյանը, ԲՀԿ պատգամավոր Նաիրա Զոհրաբյանը:
Հիշեցնենք՝ ԱԺ տնտեսական հարցերի մշտական հանձնաժողովի նախագահ Բաբկեն Թունյանը ներկայացրել էր այն կոնսենսուսային տարբերակը, որին հանգել էր հանձնաժողովը:
«Շեշտում ենք, որ կա հստակ պայմանավորվածություն, որ կատարվելու են հետևյալ փոփոխությունները՝ 500 միլիոն դրամ ֆինանսական երաշխիքի պահանջը պետք է դուրս գա, կայքերի հասանելիության հետ կապված սահմանափակումների պահանջը պետք է հանվի, բուքմեյքերական կետերի արգելման պահանջը ուժի մեջ պետք է մտնի 2020 թվականի նոյեմբերի մեկից, էլեկտրոնային սարքավորումները, որոնք տեղադրված են գազալցակայաններում և այլ տեղերում, օրենքի ուժի մեջ մտնելուց հետո հանվելու են»,- ասել էր Թունյանը:



Մեկնաբանություններ


Համընկնող լուրեր