Երկրի ապագան մռայլ է.Գիտնականները կարծում են, որ պարզել են Արևի մահվան ժամկետները          Կիևում իշխանությունները սկսել են բրոշուրներ բաժանել, բնակիչներին տրվել են տասնյակ հուշումներ՝ ռազմական գործողություններ սկսելու դեպքում       Հակաբիոտիկները հարցի լուծում չեն.Բժիշկ Մյասնիկովն ասել է` ինչպես կարելի է տնային պայմաններում բուժել «Օմիկրոնը»    

05 հոկ 2019 12:40

Տեսանյութ.Դոնի Ռոստովում փորձում են կոծկել 22-ամյա հայի հետ տեղի ունեցած ողբերգությունը

Դոնի Ռոստովում տեղի ունեցած դժբախտ պատահարի առնչությամբ ռուսական РЕН ТВ ալիքը սեփական հետաքննությունն է իրականացրել:

Տարածքի բարեկարգման աշխատանքների ժամանակ բարձրավոլտ էլեկտրական մալուխից հոսանքահարվել էր շինարար Ռոման Բաբայանը: Նրա մարմնի մակերեսի 65 տոկոսն այրվել է, բայց Ռոմանը հրաշքով ողջ է մնացել: Այժմ նա գտնվում է այրվածքաբանական կենտրոնում:  Պարզվել է, սակայն, որ այս կենտրոնում Ռոմանին չեն կերակրում, ավելին, ենթարկում են ճնշումների: Այս մասին պատմել է նաև Ռոմանի ընկերը:
Դոնի Ռոստովում ՀՀ Գլխավոր հյուպատոսարանը տեղեկատվություն է տարածել, որ այդ լուրերը չեն համապատասխանում իրականությանը:
РЕН ТВ-ի լրագրողներն էլ հետևյալն են պարզել: 22-ամյա Ռոման Բաբայանին հիվանդանոց է տարել իր շինկազմակերպության ղեկավարը, սակայն հրաժարվել է տեղի ունեցածի համար պատասխանատվությունը վերցնել իր վրա: Մինչդեռ փորման աշխատանքները, որի ժամանակ էլեկտրահարվել է Ռոմանը, կատարվել են հենց կազմակերպության ղեկավարի հրահանգով:

Նա ասել է, որ տվյալ հատվածում բարձրավոլտ մալուխ չկա: Բաբայանի ընկերները պատմել են, որ հիվանդանոց գնալու ճանապարհին նրանց խնդրել են, որ հետաքննության ժամանակ ասեն, թե դեպքը տեղի է ունեցել ոչ թե աշխատանքային, այլ հանգստի ժամին:
Հիմա Ռոմանի վիճակը կայուն ծանր է: Նրա հարազատներն ու ընկերները չեն պատրաստվում լռել տեղի ունեցածի մասին:   Ռոմանի ընկերները նաև նշում են, որ դեպքից հետո կազմակերպությունը դադարեցրել է գործունեությունը:

РЕН ТВ-ի լրագրողները հույս են հայտնել, որ տեսանյութի հրապարակումից հետո տեղի ունեցածը վերջապես կհայտնվի նաև քննչական կոմիտեի ուշադրության կենտրոնում:
Տեսանյութն՝ այստեղ
 

Մեկնաբանություններ

Համընկնող լուրեր