Տեսանյութ. Նոր տարվանից հետո շաքարի գինը կթանկանա. ՏՄՊՊՀ նախագահ
Այսօր ՏՄՊՊՀ նախագահ Գեղամ Գևորգյանը անդրադարձել է նաև շաքարավազի շուկային: Այստեղ գնի կտրուկ իջեցում կա, ինչը տնտեսության համար այնքան էլ լավ չի, հայտարարել է Գևորգյանը:«Ունենք բացասական բալանսի դիտարկում: Այս պահին շաքարի գինը 2017թ. հունվարի 391 դրամից իջել է 229 դրամ, հիմա 209 դրամով էլ կա, և սեզոնային բնույթով իջեցումները բերում են խնդիրների, հունվարին, կարծում ենք` շաքարը կթանկանա Նոր տարվանից հետո, որովհետև այս իջեցումը բնական չի համարվում, ՌԴ-ից մեծ պաշարներ էժան գնով մտնում են Հայաստան: Ես հասկանում եմ, որ գնորդների համար գների իջեցումը լավ է, բայց տնտեսության համար այդքան էլ լավ չէ»,- ասել է նա:
Նա պարզաբանել է նաև, որ դա պայմանավորված է սուպերմարկետների քաղաքականությամբ.
«Սուպերմարկետները ունեն 5 մարկերային ապրանքներ, և շաքարի գինն իջեցնելով` գրավում են հաճախորդներին: Եթե դուք նայեք ձեր ռացիոնի մեջ շաքարի բաղադրիչն ինչքան է, կտեսնեք, որ փոքր տեղ է զբաղեցնում, բայց դուք հաստատ գինը հիշում եք` ի տարբերություն մյուսների, այսինքն` այս իջեցումները ոչ միշտ է, որ լավ են, սակայն ընդհանուր գինը իջել է, բացի այս անոմալ իջեցումից: Սա փաստ է»:
Գեղամյանը հավելել է, որ ՀՀ-ում արտադրված շաքարի ինքնարժեքն ավելի բարձր է, քան ներմուծվածինը: Ռուսաստանը մեծ ծավալով շաքար է իրացնում, սա ևս լուրջ խնդիր է համարում:
