Երկրի ապագան մռայլ է.Գիտնականները կարծում են, որ պարզել են Արևի մահվան ժամկետները          Կիևում իշխանությունները սկսել են բրոշուրներ բաժանել, բնակիչներին տրվել են տասնյակ հուշումներ՝ ռազմական գործողություններ սկսելու դեպքում       Հակաբիոտիկները հարցի լուծում չեն.Բժիշկ Մյասնիկովն ասել է` ինչպես կարելի է տնային պայմաններում բուժել «Օմիկրոնը»    

25 հուն 2020 11:35

Քանի՞ բժիշկ է վարակվել. Առաջին բժշիկն է մահացել, ով բուժել է կորոնավիրուսով հիվանդացած բնակիչներին

Չինական Ուհան քաղաքում, որը համարվում է թոքաբորբ առաջացնող նոր կորոնավիրուսի բռնկման էպիկենտրոնը, առաջին բժշիկն է մահացել, ով բուժել է կորոնավիրուսով հիվանդացած բնակիչներին։ Paper-ի հաղորդմամբ՝ մահացածը 62-ամյա օտոլարինգոլոգ Լյան Ուդունն է։

Տղամարդը հիվանդներից վարակվել էր անցած շաբաթ՝ հունվարի 16-ին։ Նրա վիճակը գնալով վատացել է, 2 օր անց նրան տեղափոխել են հիվանդանոց, որտեղ հունարի 25-ի առավոտյան մահացել է։
Վերջին տվյալներով՝ կորոնավիրուսը 41 մարդու կյանք է խլել։
***
Պաշտոնական աղբյուրները հաղորդում են չինական Ուհան քաղաքում 2019-nCoV կորոնավիրուսով վարակման 15 դեպքերի մասին: Սակայն իրականում այդ թիվն ավելի մեծ է, գրում է South China Morning Post-ը՝ հղում անելով իրազեկ աղբյուրներին:
Ուհանում թոքաբորբի բռնկման մասին սկսել են խոսել դեկտեմբերի վերջից, եւ միայն հունվարի 7-ին է հայտնի դարձել, որ թոքաբորբի պատճառը նոր անհայտ տեսակի կորոնավիրուսն է: Դրա փոխանցման ուղիների մասին այդ ժամանակ ոչինչ հայտնի չէր, եւ բժիշկները, որոնք աշխատել են   պացիենտների հետ, անհրաժեշտ միջոցներ չեն ձեռնարկել վարակից պաշտպանվելու համար:
Պարզվել է, որ քաղաքի հիվանդանոցներից մեկում վարակվել է միանգամից 14 բժիշկ: ԶԼՄ-ներում ենթադրություններ են հայտնվել, որ վարակված բժիշկների թիվն իրականում ավելի շատ է եղել:
Բժիշկներից մեկի խոսքով՝ «սկզբնապես շատ բուժաշխատողներ չեն իմացել մարդուց մարդուն վիրուսի հնարավոր փոխանցման մասին եւ նույնիսկ բավարար պաշտպանիչ միջոցներ չեն ունեցել»:
«Մենք մտահոգվում ենք մեր գործընկերների համար, որոնք վարակվել են, սակայն մենք այլընտրանք չունենք բացի մեր աշխատանքը շարունակելուց»,- ասել է նա:     
Ուհանում կա 14 հիվանդանոց, որոնք ունեն համապատասխան սարքավորումներ տվյալ հիվանդության դեմ պայքարի համար:
«Ուհանի գրեթե յուրաքանչյուր խոշոր հիվանդանոցում դուք կգտնեք վարակված բժշկի, եւ նրանց թիվը 15-ից ավելի է»,- ասել է բժիշկներից մեկը:
Չինացի բժիշկները հայտնում են, որ քաղաքը բավարար թվով բուժաշխատողներ եւ պաշտպանիչ միջոցներ չունի: Նման պայմաններում ավելի ու ավելի շատ բժիշկներ են վարակվում, եւ դա կարող է լուրջ խնդիրների հանգեցնել՝ մտավախություն են հայտնում մասնագետները:  

Մեկնաբանություններ

Համընկնող լուրեր