Թուրքիայում շունը կծել է ադրբեջանցի գործարարի քիթը.ուշքի եկա այն պահին, երբ ոստիկանները փնտրում էին իմ քթի պոկած մասը          Իսրայելը 1,5 մլրդ դոլար է հատկացրել Իրանի միջուկային օբյեկտների վրա հարձակման համար       Թուրքը Գորիս-Կապան միջպետական ճանապարհին իրեն էնպես է պահում , ոնց որ էդ հատվածը իրենցն է, և ինչ ուզում՝ անում են    

07 փետ 2020 14:43

Ադրբեջանը լայնամասշտաբ ռազմական գործողություններ չի սկսի Ղարաբաղում` առանց Թուրքիայի օգնության

Մերձավոր Արևելքում շարունակվող լարվածությունը հիմք է տալիս ասելու, որ համաշխարհային խոշոր խաղացողները շահագրգռված չեն Հարավային Կովկասի տարածաշրջանում ստատուս քվոյի խախտմամբ: Այս մասին այսօր` փետրվարի 7-ին, լրագրողների հետ հանդիպման ժամանակ ասաց Հայաստանի Գիտությունների ակադեմիայի արևելագիտության ինստիտուտի տնօրեն, թուրքագետ Ռուբեն Սաֆրաստյանը:
Նա նկատեց, որ Թուրքիան նույնպես ակտիվորեն ներգրավված է Սիրիայի, Լիբիայի և արեւելյան միջերկրածովյան ռազմաքաղաքական գործընթացներում, հետևաբար, կարելի է պնդել, որ Անկարան չի գնա արկածախնդրության, այդ թվում նաեւ՝ Բաքվի ձեռքերով ղարաբաղյան ուղղությամբ` հաշվի առնելով, որ Թուրքիայի համար սա կարող է Ռուսաստանի հետ ռազմական բախման սպառնալիքի հանգեցնել:



«Անկարան չունի միանգամից մի քանի ճակատներով ակտիվ ռազմական գործողություններ վարելու հնարավորություն, և Ադրբեջանը լայնամասշտաբ ռազմական գործողություններ չի սկսի Ղարաբաղում` առանց Թուրքիայի օգնության և խոշոր տերությունների համաձայնության»,- հավելեց փորձագետը:
Ըստ նրա` ղարաբաղյան հակամարտության կարգավորման բանակցություններն արդեն վաղուց ոչինչ չեն փոխում:
«Որեւէ լուրջ փոփոխություն չբերեց նաեւ Հայաստանի և Ադրբեջանի արտգործնախարարների վերջին հանդիպումը»,- պարզաբանեց Սաֆրաստյանը:
 

Մեկնաբանություններ

Համընկնող լուրեր