Ապրիլին արդեն մարդկանց վրա կթեստավորեն կորոնավիրուսի դեմ փորձարարական պատվաստանյութը
Կորոնավիրուսի դեմ փորձարարական պատվաստանյութը, որը գիտնականները մշակում են ԱՄՆ-ում, պատրաստ է մարդկանց վրա թեստավորմանը: Այս մասին հայտնում է The Wall Street Journal-ը:mRNA-1273 պատվաստանյութը ստեղծել է Moderna դեղագործական ընկերությունը՝ ԱՄՆ Ալերգիայի եւ վարակիչ հիվանդությունների ազգային ինստիտուտի (NIAID) հետ համատեղ: Արտադրողը պնդում է, որ իրեն հաջողվել է դեղամիջոցը ստեղծել ռեկորդային կարճ ժամանակում: Դրանից բացի, NIAID-ի ղեկավարի խոսքով՝ պատվաստանյութը պատրաստ է մարդկանց վրա փորձարկումներին:
2020 թվականի ապրիլին ընկերությունը կընտրի 20-25 առողջ կամավորների, որ նրանց օգնությամբ որոշի դեղամիջոցի անվտանգ դեղաչափը, ինչպես նաեւ արդյունավետությունը: WSJ-ի տեղեկություններով՝ թեստերի արդյունքները հասանելի կլինեն 2020 թվականի հուլիսին կամ օգոստոսին: Պարբերականը, սակայն, նշում է, որ տեխնոլոգիայի արդյունավետությունը, որն օգտագործում է Moderna-ն, մինչ հիմա ապացուցված չէ:
