Կորոնավիրուսը կարող է էֆեկտիվ տարածվել նաև շոգ եղանակներին. МК
Տաք եղանակի սկսվելուց հետո կորոնավիրուսի տարածումը կարող է չանհետանալ, հաղորդում Է CNN հեռուստաալիքը: Նման եզրակացության են հանգել ԱՄՆ գիտությունների ազգային ակադեմիայի անդամները։ Այս առիթով նրանք դիմել են Սպիտակ տուն։Նրանք նշել են, որ կորոնավիրուսը կարող է էֆեկտիվ տարածվել ավելի բարձր ջերմաստիճանի եւ խոնավության պայմաններում, թեեւ ոչ այն մասշտաբներով, որքան հիմա: Դա է պատճառը, որ պետք է միջոցներ ձեռնարկել առողջապահության բնագավառում՝ վիրուսով վարակվածների աճի տեմպերը նվազեցնելու համար:
Ավելի վաղ ԱՄՆ նախագահ Դոնալդ Թրամփը հայտարարել էր, որ կորոնավիրուսը կարող է անհետանալ տաք եղանակի դեպքում: Նման եզրակացության են հանգել նաև որոշ գիտնականներ ու վիրուսաբաններ:
Հարկ է նշել, որ նույն Բրազիլիայում, որտեղ երկրի մեծ մասում ջերմաստիճանը հասել է մոտ 30 աստիճանի, վարակվածների թիվը հասնում է 16 հազարի, իսկ զոհերն արդեն 823 են: Սակայն Աֆրիկայի երկրներում հիվանդների թվի աճի տեմպերը շատ ավելի քիչ են ։
