Բողոքի նոտա՝ Ֆրանսիայի ծերանոցներում տիրող «անմխիթար» վիճակի վերաբերյալ.Ծերերին սովամահ են անում, թողնում հիվանդության քմահաճույքին
Ֆրանսիայում Չինաստանի դիվանագիտական առաքելության ներկայացուցիչներից մեկը նոր տեսակի կորոնավիրուսի համավարակի ֆոնին առցանց հրապարակում է արել Ֆրանսիայի ծերանոցներում տիրող «անմխիթար» վիճակի վերաբերյալ, ինչը լարվածություն է առաջացրել երկու պետությունների հարաբերություններում:Ինչպես նշում է South China Morning Post-ը, անանուն դիվանագետի այս հրապարակումը սկանդալի պատճառ է դարձել: Ֆրանիայի արտգործնախարարությունը բողոքի նոտա է հղել Չինաստանի դեսպանին:
«Ես հստակ ցույց տվեցի, որ չեմ ողջունում նման հայտարարությունները, որոնք չեն համապատասխանում ֆրանս-չինական երկկողմ հարաբերությունների որակին»,-ասել է արտգործնախարար Ժան իվ լե Դրիանը:
Աղբյուրը մանրամասնում է, որ անցած կիրակի դեսպանատան պաշտոնական կայքում հրապարակվել էր մի հոդված, որում անանուն ներկայացած դիվանագետը կոշտ քննադատում է Արևմուտքի գործողություններն ընդդեմ կորոնավիրուսի: Բացի այդ, նա Ֆրանսիայի ծերանոցների աշխատակիցներին մեղադրում է «գիշերները ծերերին միայնակ թողնելու, նրանց սովամահ անելու, հիվանդության քնահաճույքին թողնելու համար»:
