Տեսանյութ.«Հայկական արտադրության հարվածային ԱԹՍ-ն գործողության մեջ»
Հայկական արտադրության հարվածային ԱԹՍ-ները գործարկվել են։ Տեղեկությունը Facebook–ի իր էջում հայտնել է Բարձր տեխնոլոգիաների և արդյունաբերության նախարար Հակոբ Արշակյանը` կից հրապարակելով անօդաչու թռչող սարքի գործողության տեսանյութը։«Հայկական արտադրության հարվածային ԱԹՍ-ն գործողության մեջ»,–տեսանյութին կից գրել է նա։
Տեսանյութում երևում է, թե ինչպես է հայկական արտադրության ԱԹՍ–ն իրականացնում իր առջև դրած առաջադրանքը` փնտրելով և գտնելով թիրախը։
Հիշեցնենք, որ ՀՀ ՊՆ ներկայացուցիչ Արծրուն Հովհաննիսյանն ավելի վաղ հայտնել էր` հուլիսի 13-ը կմտնի պատմության մեջ որպես հայկական արտադրության մարտական ԱԹՍ-ների մարտական կիրառության օր: Առաջին անգամ հայկական մարտական ԱԹՍ-ները կիրառվել էին պատերազմի ժամանակ՝ մարտական պայմաններում և փայլուն արդյունքներ գրանցել:
