Ինչպես կարող են Երևանի իշխանություններն իրենց երկիրն անվտանգ համարել, երբ նրա տարածքի որոշ հատվածներ արդեն օկուպացված են ադրբեջանցիների կողմից          Գեղարքունիքի մարզում հայրը կասկածվում է իր անչափահաս դստերը հաճախակի ծեծի ենթարկելու մեջ և փորձել է սեռական հարաբերություն ունենալ նրա հետ       Պարզվել է վանաձորցի 20-ամյա հղի կնոջ մահվան պատճառը    

20 օգոս 2020 11:15

Նավալնիին ինքնաթիռում կորցրել է գիտակցությունը. թունավորե՞լ են. վերակենդանացման բաժանմունքում է

Ռուս ընդդիմադիր քաղաքական գործիչ Ալեքսանդր Նավալնիի ինքնազգացողությունը կտրուկ վատացել է Տոմսկից Մոսկվա ուղևորվող ինքնաթիռում: Օդանավն արտակարգ վայրէջք է կատարել Օմսկում, որտեղ քաղաքական գործիչը հոսպիտալացվել է:


Meduza լրատվամիջոցի փոխանցմամբ՝ այս մասին հայտարարել է Նավալնիի մամուլի քարտուղար Կիրա Յարմիշը: Նավալնին գտնվում է վերակենդանացման բաժանմունքում, անգիտակից վիճակում, նրա վիճակը գնահատվում է ծանր:


Ըստ Յարմիշի՝ Նավալնին գիտակցությունը կորցրել է ինքնաթիռում: Ուղևորները լսել են նրա գոչյունները: Ուղևորներից մեկը տեսանյութ է հրապարակել:


Քաղաքական գործչի մամուլի քարտուղարը ենթադրում է, որ Նավալնիին թունավորել են՝ թեյի մեջ ինչ-որ բան խառնելով, քանի որ նա առավոտից միայն թեյ է խմել: Յարմիշը Նավալնիի թունավորումը կապել է Ռուսաստանում նրա նախընտրական արշավի հետ:


Тайги.инфо-ի տվյալներով՝ Նավալնին մի քանի օր գտնվել է Սիբիրի շրջաններում: Սկզբում նա եղել է Նովոսիբիրսկում, որտեղ, աղբյուրի տեղեկություններով, կարող էր նյութ հավաքել նոր հետաքննության համար, ինչպես նաև հանդիպել է կամավորների հետ։ Այնուհետև քաղաքական գործիչը մեկնել է Տոմսկ։

Մեկնաբանություններ


Համընկնող լուրեր