Վարձկանների բողոքը՝մեզանից շատերը սոված են,պատերազմին մասնակցելու համար խոստացված վճարը չենք ստացել, զոհերի ընտանիքներին փոխհատուցում չի տրվել          Ռուսաստանի համար իրավիճակը շատ ավելի բարդ է.Մի կողմից անհրաժեշտ է պաշտպանել Հայաստանը, բայց մյուս կողմից չի կարելի վիճել Անկարայի հետ. ռուս փորձագետներ       Տեսանյութ.Ռուսական ՄիԳ–ը թույլ չի տվել, որ ամերիկյան հետախույզ ինքնաթիռը խախտի սահմանը    

10 սեպ 2020 12:38

Նավալնին արդեն կարողանում է խոսել եւ հիշում է մինչեւ գիտակցությունը կորցնելը իր հետ տեղի ունեցածի մանրամասները

Բեռլինի ոստիկանությունը Charite կլինիկայում պահպանությունն ուժեղացրել է, այնտեղ գտնվող Ալեքսեյ Նավալնին արդեն կարողանում է խոսել եւ, հավանաբար, հիշում է օդանավի մեջ գիտակցությունը կորցնելուց առաջ տեղի ունեցածի մանրամասները։ Այս մասին այսօր հայտնել է Der Spiegel ամսագիրը՝ վկայակոչելով սեփական աղբյուրներին։


ՏԱՍՍ-ի հետ զրույցում ոստիկանությունից այս տեղեկությունը չեն հաստատել։

«Մենք դեռեւս չգիտենք, թե ինչ հոդվածի մասին է խոսքը, ուստի չենք կարող մեկնաբանել։ Մենք տեղեկություններ կտրամադրենք ավելի ուշ»,- հայտնել են իրավապահների մամուլի ծառայությունից։


ՏԱՍՍ-ն իր տրամադրության տակ չունի կլինիկայի օպերատիվ մեկնաբանությունը։ Բուժհաստատությունում սովորաբար չեն մեկնաբանում պացիենտների առողջական վիճակը՝ վկայակոչելով բժշկական գաղտնիքը։


Պահպանության ուժեղացումը պայմանավորված է այն հանգամանքով, որ Նավալնին վիճակի բարելավմանը զուգահեռ, հնարավոր է, կկարողանա ավելի շատ այցելուների ընդունել, հստակեցնում է պարբերականը։


Գերմանական կլինիկայի բժիշկներն ավելի վաղ հայտնել էին, որ ռուսաստանցուն կոմայից հանել են եւ աստիճանաբար անջատում են ԹԱՕ սարքերից։

Մեկնաբանություններ

Համընկնող լուրեր