Դատարանը 2016-ին Թուրքիայում հեղաշրջման փորձի մասնակիցներին դատապարտել է ցմահ ազատազրկման
Հինգշաբթի թուրքական դատարանը ցմահ ազատազրկման մասին տասնյակ դատավճիռներ է կայացրել 2016-ի հեղաշրջման փորձի համար մեղադրվող գրեթե 500 ամբաստանյալներից ոմանց նկատմամբ, հաղորդում է Anadolu-ն:Աղբյուրի համաձայն` F-16-ի 25 օդաչու դատապարտվել է ցմահ ազատազրկման, իսկ չորս քաղաքացիական անձ 79-ական ցմահ ազատազրկում է ստացել:
Անկարայի մերձակայքում գտնվող Աքինջի ռազմաօդային բազայում ռազմաօդային ուժերի նախկին հրամանատար Աքին Օզթյուրքը եւ մյուսները մեղադրվել են հեղաշրջումը ղեկավարելու եւ կառավարական շենքերը, այդ թվում` խորհրդարանի շենքը ռմբակոծելու, ինչպես նաեւ` նախագահ Թայիփ Էրդողանի դեմ մահափորձի մեջ:
Դատավարությունն ամենաաղմկահարույցն էր պետական հեղաշրջման փորձին մասնակցության մեջ մեղադրվող հազարավոր մարդկանց դեմ տասնյակ դատական գործընթացներից, որում Անկարան մեղադրել էր ԱՄՆ-ում բնակվող մահմեդական քարոզիչ Ֆեթուլլահ Գյուլենի կողմնակիցներին:
