20 տարի տեսել եք փշալար, կրակել, երբևիցե այսպիսի թավիշային ոստիկանություն տեսե՞լ եք․ Անդրանիկ Քոչարյան
Ո՞վ է ժողովրդի դեմ ուժ կիրառել։ Երբևիցե այսպիսի թավիշային ոստիկանություն տեսե՞լ եք։ Լրագրողների հետ զրույցի ժամանակ ասաց ԱԺ պաշտպանության և անվտանգության հարցերի հանձնաժողովի նախագահ Անդրանիկ Քոչարյանը՝ անդրադառնալով ԳՇ հայտարարության այն հատվածին, որտեղ նախազգուշացվում էր ձեռնպահ մնալ ժողովրդի դեմ ուժ կիրառելուց։«20 տարի տեսել եք փշալար, կրակել։ Վայ Սաղաթելյանը վազում էր, գրկեցին և քթից արյուն եկավ։ Թող չվազեր։ Կուսակցության ղեկավարները պետք է կանգնեն և պատասխանեն ոստիկանության կամ որևէ մեկի օրինավոր պահանջներին։ Ես երբեք չեմ տեսել Դաշնակցության որևէ լիդեր վազեր, հլը մեկն էլ գրկած տաներ»,-ասաց Անդրանիկ Քոչարյանը։
