Թուրքական հակակորոնավիրուսային պատվաստանյութը հասանելի կլինի ողջ մարդկությանը
Փորձարկումների բոլոր փուլերի ավարտվելուն պես, Թուրքիան հասանելի կդարձնի կորոնավիրուսի դեմ սեփական արտադրության պատվաստանյութը: Հասանելիության պայմանները հնարավորինս օպտիմալ կլինեն ամբողջ մարդկության համար, հայտարարել է Թուրքիայի նախագահ Ռեջեփ Թայիփ Էրդողանը` դիմելով ՄԱԿ-ի` «COVID-19-ը և հետագա վերականգնման ֆինանսավորումը» թեմայով առցանց նիստի մասնակիցներին: Այս մասին գրում է «Անադոլու» գործակալությունը:Էրդողանը մտահոգություն է հայտնել աշխարհում կորոնավիրուսի պատվաստանյութի անհավասար բաշխման կապակցությամբ.
«Այնպիսի երկրների առկայության ֆոնին, որտեղ գրեթե ամբողջ բնակչությունն արդեն պատվաստվել է կորոնավիրուսի դեմ, կան միլիարդավոր մարդիկ, որոնք նույնիսկ պատվաստանյութի առաջին չափաբաժինը չեն ստացել»:
Ըստ թուրք առաջնորդի՝ պատվաստումների խնդիրը սպառնալից բնույթ է ստացել, աշխարհի շուրջ 100 երկիր դեռ հասանելիություն չունի կորոնավիրուսի պատվաստանյութերին:
Համաշխարհային տնտեսությունը չի վերականգնվի և համավարակը չի ավարտվի, քանի դեռ չի ապահովվել կորոնավիրուսի պատվաստանյութի արդարացի բաշխումը, ընդգծել է Էրդողանը:
