Փորձում էր արդարացնե՞լ Աբովյանի դիահերձարանում պատերազմում զոհվածների դիերը անմարդկային պայմաններում պահելու փաստը
«Փոխել ենք դատաբժշկական համակարգը, բայց մարդուն փոխելը հեշտ գործ չէ, այստեղ կարևորը մտածողության խնդիրն է»,- կառավարության այսօրվա նսիտում հայտնեց Նիկոլ Փաշինյանը՝ արդարացնելով Աբովյանի դիահերձարանում պատերազմում զոհվածենրի դիերը անմարդկային պայմաններում պահելու փաստը:Ինչպես և սպասվում էր Նիկոլ Փաշինյանը հայտարարեց, որ այդ միջադեպի հետ առնչություն ունեցող բոլոր բժիշկներն ազատվել են աշխատանքից: Այլ կերպ ասած՝ զոհվածների նկատմամբ պետական նման վերաբերմունքի համար պատժվել են դիակների պահման և աշխատանքի համար պետության կողմից համապատասխան պայմաններից զրկված բուժաշխատողները:
Նիկոլ Փաշինյանը լսելով Առողջապահության նախարարի պաշտոնակատար Անահիտ Ավանեսյանի նախօրոք պատրաստած զեկույցը, եզրակացրեց, որ խնդիրը բժիշկների ոչ կոմպետենտության մեջ են և մեղադրեց հասարակությանը, որ երբ առողջապահության համակարգում բարեփոխումներ են իրականացրել՝ հասարակությունը բողոքել է, որ մարդկանց ազատում են աշխատանքից:
Որպեսզի ժխտի կատարվածի մեջ կառավարության մեղքը Փաշինյանը Անահիտ Ավանեսյանին հանձնարարեց կարդալ պատրաստած հաշվետվությունը:
Վերջինս նշեց, որ Առողջապահության նախարարության ենթակայությամբ գործող Դատաբժշկական գիտագործնական կենտրոնը մինչև 2018 թ.ունեցել է միայն Երևանի դիահերձարանը՝ բարոյապես մաշված սառնարանային կարողություներով, մարզերում ընդհանրապես ծառայության մասնաճյուղեր չեն եղել, իսկ դիահերձումները իրականացվել են ոչ համապատասխան պայմաններում:
Ավանեսյանի խոսքով՝ նախկինում երևանում եղել է 25 սառնարանային տեղ այժմ՝ 200, և 2018 թվականից հետո մարզերում բացվել են դիահերձարանների նոր բլոկեր:
Մենք այս դեպքից պետք է դասեր քաղենք, բայց մյուս կողմից էլ չի կարող կառավարությունը կամ առողջապահության նախարարը ամեն օր գնալ և բոլոր տեղերը պտտվել, տեսնել ոնց է: Այս մասին այսօր՝ հունիսի 3-ին, կառավարության հերթական նիստին ասաց Նիկոլ Փաշինյանը՝ անդրադառնալով Արցախյան պատերազմում զոհվածների մարմինների ոչ պատշաճ պահման պայմաններին: Նա նշեց, որ դա մասնագիտական էթիկայի, կրթության խնդիր է:
«Եթե տվյալներ ամփոփենք, ուզում եմ արձանագրենք նաև, որ այս պահին ԴՆԹ հետազոտման, մարմինների նույնականացման աշխատանքը եզրափակիչ փուլին է հասել: Մենք ունենք մարմիններ, որոնք չեն նույնականացվել, բայց կան հարազատներ, որոնք ԴՆԹ նմուշ չեն հանձնել տարբեր պատճառներով, և նաև կան մարմիններ, որոնք հարազատները տարբեր պատճառներով չեն վերցրել»,-ասաց նա:
«Եթե տվյալներ ամփոփենք, ուզում եմ արձանագրենք նաև, որ այս պահին ԴՆԹ հետազոտման, մարմինների նույնականացման աշխատանքը եզրափակիչ փուլին է հասել: Մենք ունենք մարմիններ, որոնք չեն նույնականացվել, բայց կան հարազատներ, որոնք ԴՆԹ նմուշ չեն հանձնել տարբեր պատճառներով, և նաև կան մարմիններ, որոնք հարազատները տարբեր պատճառներով չեն վերցրել»,-ասաց նա:
Նրա խոսքով այս ընթացքում 25 տոկոսով ավելացել է նրանց դիահերձարանների աշխատողների աշխատավարձը:
