Տեսանյութ.Ավագ Հինգշաբթի՝ Սուրբ Հաղորդության խորհրդի հաստատում, Խորհրդավոր ընթրիք          Մարտի 29-ին երկար ժամանակով լույս չի լինի բազմաթիվ հասցեներում       Ինչպես կարող են Երևանի իշխանություններն իրենց երկիրն անվտանգ համարել, երբ նրա տարածքի որոշ հատվածներ արդեն օկուպացված են ադրբեջանցիների կողմից    

09 հուն 2021 13:58

Շատ հնարավոր է, որ հունիսի 20-ից հետո ունենանք բախումներ

««Լուսավոր Հայաստան»-ը քարոզարշավն իրականացնում է յուրահատուկ կարգախոսով՝ ազգային համերաշխություն ձևավորման կոչով»,- Երևանի Աջափնյակ համայնքում քարոզարշավ իրականացնելու մեկնարկին հայտնեց պատգամավոր Գևորգ Գորգիսյանը:


Նրա խոսքով՝ հազարամյակների պատմության մեջ, երբ հայ ժողովուրդը պառակտված է եղել և իրար դեմ են պայքարել՝ եղել են սահմանների խախտումներ, ընդհուպ՝ պետականության կորուստ և ծովից ծով Հայաստանից մնացել է մի բուռ հայրենիք, բայց էլի նույն խնդիրներն են:


«Մենք տեսել ենք, թե ինչ աստիճանի է հասել քարոզարշավը, իրար ոտք ջարդել, ծեծել են խոստանում, իրար անպատվում են, հայհոյում: Առաջին հերթին պետք է կարողանանք սա վերացնել»,- շեշտեց Գորգիսյանը և հավելեց, որ ամեն ինչ անելու են, որպեսզի համերաշխություն լինի և համատեղ ուժերով առաջ շարժվեն:


«Եթե այն մեզ չհաջողվի և ատելության գեներացիա լինի, ապա շատ հնարավոր է, որ հունիսի 20-ից հետո ունենանք բախումներ, քանի որ կողմերը իրենց տեսակետը համարելու են միակ ճշմարիտը»,- ընդգծեց Գորգիսյանը և  շեշտեց, որ դեպքերի նման զարգացման սցենարում քաղաքացիներն են դուրս գալու միմյանց դեմ, իսկ կողմերի ղեկավարներն իրենց թիկնազորով հետևում հանգիստ նստած են լինելու:


Ըստ Գորգիսյանի՝ իր ներկայացրած կուսակցությունը գտնում է, որ առաջինն այս խնդիրը պետք է լուծվի, որից հետո պետք է վերականգնվի տնտեսությունը, որն էլ կնպաստի բանակի և գիտության վերականգնմանը:


Պատասխանելով լրագրողի այն հարցին, թե ի՞նչ նկատի ունեն, երբ նախընտրական ծրագրում գրում են, որ ավելացնելու են նախագահի և ԱԺ-ի լիազորությունները՝ պատգամավորը հայտնեց՝ ներկայում կա սուպերվարչապետական համակարգ, որը բերել է նրան, որ վարչապետն առանց փոխզսպման մեխանիզմներրի է մնացել և ունի բացարձակ իշխանություն:


Նրա խոսքով՝ «Լուսավոր Հայաստանը»-ն առաջարկում է վարչապետից այդ լիազորությունների մի մասը փոխանցել նախագահին և ԱԺ-ին, որպեսզի լինի բալանսավորված համակարգ:


Կուսկացության մյուս պատգամավորը՝ Անի Սամսոնյանն էլ կարևորեց սահմանի անվտանգության խնդիրը և դրանում առաջնային համարեց այն ժամանակակից տեխնիկական միջոցներով կահավորելու հարցը:


Պատասխանելով լրագրողի հարցին, թե արդյո՞ք ճիշտ է համարում, որ վարչապետի պաշտոնակատարն արձակուրդ է վերցրել, իսկ թշնամին սահմանին կրկին զինծառայող է գերեվարում՝ Սամսոնյանը հայտարարեց, որ որևէ տարբերություն չկա, թե Փաշինյանը արձակուրդում է, թե աշխատանքի մեջ, նույն բանը շարունակվում է:


«Վարչապետի պաշտոնակատարը, որպես կառավարիչ, երկրի ղեկավար որևէ գործոն չունի»,-շեշտեց Անի Սամսոնյանը:


Մեկնաբանություններ


Համընկնող լուրեր