YouTube-ը ջնջել է հայերի հասցեին ատելության խոսքի հետ կապված Էրդողանի մամուլի քարտուղարի վիդեոն

YouTube- ը հեռացրել է Թուրքիայի նախագահի հաղորդակցության տնօրեն Ֆահրեթին Ալթունի մասնակցությամբ տեսանյութը՝ ատելության խոսքի հիմքերով։ Այս մասին այսօր հայտնել է «BirGün» թերթը, գրում է Ahval News-ը։


BirGün- ը գրել է, որ Ülke TV իշխանամետ ալիքի տեսանյութը ցույց է տալիս, որ Ալթունը ելույթ է ունենում Հայաստանի ազատագրության հայկական գաղտնի բանակի (ԱՍԱԼԱ) կողմից Թուրքիայի դիվանագետների սպանության կապակցությամբ կազմակերպված միջոցառման ժամանակ։


Ալթունը ելույթ է ունեցել ապրիլի 24-ին, երբ հիշատակվում է Հայոց ցեղասպանությունը։


Արձագանքելով YouTube-ի որոշմանը՝ Ալթունը սոցիալական մեդիայի հարթակին մեղադրել է «կեղծավորության» մեջ:


«Մենք ևս մեկ անգամ տեսանք, որ մեզ պետք են ներքին և ազգային հարթակներ լրատվության և հաղորդակցության ոլորտներում», - ասել է նա: