Օդի ջերմաստիճանը աստիճանաբար կբարձրանա 8-10 աստիճանով. եղանակն առաջիկա օրերին          Տեսանյութ.Ինչպես հաղթահարել ներանձնային կոնֆլիկտը և դառնալ սեփական կյանքի տերը       Տեսանյութ.Հանձնել է այդ չորս գյուղերը և Սյունիքն էլ է հանձնելու. դուք խոսքի, խոստումների համար տալիս եք տարածքի մի մա՞սը    

15 հուլ 2021 10:17

Գորիսը նորից փորձում են վերածել կրիմինալ կենտրոնի.երեկոյան ժամը 6-ից հետո տանից դուրս գալ չի լինում.«Փաստ»

«Փաստ» օրաթերթը գրում է. «Նախօրեին Գորիս քաղաքում տեղի է ունեցել փոխհրաձգություն, որի արդյունքում կան վիրավորներ: Ըստ տեղեկությունների, «ռազբորկայում» ներգրավված են եղել Սյունիքի նախկին մարզպետ Սուրիկ Խաչատրյանի և ներկայիս մարզպետ Մելիքսեթ Պողոսյանի հարազատները: Իսկ ընդհանրապես, «Փաստ» թերթի աղբյուրների համաձայն, վերջին օրերին Գորիսը վերածվել է յուրատեսակ «Սիցիլիայի»

Բանն այն է, որ, ըստ գորիսեցիների, Գորիսի քաղաքապետ Առուշ Առուշանյանը մոտ տասն օր է ֆիզիկապես չի հասցնում զբաղվել քաղաքի բոլոր խնդիրներով, մասնավորաբար Գորիսում կարգ ու կանոն հաստատելու գործով, քանի որ Նիկոլ Փաշինյանի հրահանգով, ինչպես Սյունիքի այլ համայնքապետների, այնպես էլ Առուշանյանի նկատմամբ գործեր են «կարվում», իրավական գործընթացներ են սկսել: Արդյունքում, ըստ մեր տեղեկությունների, որոշ շրջանակներ Գորիսը նորից փորձում են վերածել կրիմինալ կենտրոնի:

Ըստ Գորիսի մեր աղբյուրների, հատկապես ակտիվացել են Շալունց ընտանիքը, Լիսկայի (Սուրեն Խաչատրյան) Կարենը, Մելոյի (Մելիքսեթ Պողոսյան) հարազատները, Մկրտչյանները և այլն: Գորիսեցիները մեր թղթակցին փոխանցել են, որ երեկոյան ժամը 6-ից հետո տանից դուրս գալ չի լինում, մարդիկ փակվում են իրենց տներում, որովհետև քաղաքում չափազանց վտանգավոր է շրջել: Մասնավորաբար, Գորիսի Թոզկապ հատվածում ամեն օր կռիվ անողների «հերթեր» են»:

Առավել մանրամասն՝ թերթի այսօրվա համարում

Մեկնաբանություններ


Համընկնող լուրեր