Նիկոլի դեսպանության 70.000 դոլարանոց «ծխախոտագործությունը» և հայ-թալիշական կապերի ոչնչացումը          Իրանի ԱԳՆ-ն պատասխանել է Ալիևին՝ չենք հանդուրժի Իսրայելի ռեժիմի ներկայությունը, չնայած ցուցադրական, Իրանի սահմանների մոտ       Ո՞վ է պատասխան տալու , 2 տարի շարունակ մարդկանց թալանել եք գերթանկ ՊՇՌ թեստերով, բա կոռուպցիան, թալանն էլ ո՞նց է լինում    

31 հուլ 2021 13:21

Ի՞նչ առավելություններ ունեն հաստ աղիի լապարոսկոպիկ վիրահատությունները բաց վիրահատությունների համեմատ

Լապարասկոպիկ վիրահատությունները պացիենտները սովորաբար ավելի լավ են տանում, քան բացերը։ Մասնագետի խոսքով՝ շատ հետազոտություններ հաստատել են, որ արյան կորուստը լապարասկոպիկ վիրահատությունների ժամանակ ավելի քիչ է լինում, աղեստամոքսային տրակտի գործառույթներն ավելի արագ են վերականգնվում, եւ պացիենտները ավելի շուտ են վերադառնում տուն, քան բաց վիրահատություններից հետո։ Բացի այդ, լապարասկոպիկ վիրահատություններից հետո պացիենտների համար ավելի քիչ անալգետիկներ են պահանջվում, այդ թվում նարկոտիկ։  Այդ ամենը դրական է ազդում ոչ միայն պացիենտի վիճակի, այլեւ այն ծախսերի վրա, որոնք կապված են հետվիրահատական խնամքի հետ։

Լապարասկոպիան այսօր ակտիվորեն կիրառվում է հաստ աղիի ամենատարբեր վիրահատությունների ժամանակ, այդ թվում՝ ուռուցքային նորագոյացությունները հեռացնելիս։ Շատերը մտահոգվում են, թե կարող է արդյոք վիրաբույժը նման վիրահատության ընթացքում չնկատել ինչ-որ մի բան եւ լրիվ չհեռացնել ուռուցքը։ Ջենարո ԼաԲելայի խոսքով՝ այդ մտահոգությունները սովորաբար անհիմն են, չէ՞ որ ժամանակակից լապարասկոպիկ սարքավորումը ներառում է մեծ հնարավորություններ ունեցող տեսախցիկներ, որոնց օգնությամբ վիրաբույժը հիանալի տեսնում է վիրահատական հատվածը։

«Հաճախ մենք կարող ենք խցիկները տեղադրել տեսնելու համար դժվարհասանելի տեղերում, որպեսզի կարողանանք դրանք ավելի մոտիկից տեսնել։ Իսկ ինչ վերաբերում է ռոբոտացված վիրաբուժությանը, Davinci պլատֆորմի հիման վրա խցիկների համակարգերը նույնպես հնարավորություն են տալիս մեծացնել խորության եռաչափ ընկալումը»,- ասել է մասնագետը։

Ջենարո ԼաԲելան նախատեսում է Հայաստան գալ ընթացիկ տարվա օգոստոսի 23-ին։ Ազգային ուռուցքաբանական կենտրոնում հայ գործընկերոջ՝ Ավետիք Պետրոսյանի հետ օգոստոսի 23-26-ը նա կատարելու է հաստ աղիի չարորակ ուռուցքների հեռացման մի շարք լապարասկոպիկ վիրահատություններ։ Այդ բոլոր վիրահատությունները լինելու են անվճար պացիենտների համար, քանի որ Հայաստանում ներկայում գործում է չարորակ ուռուցքների հեռացման պետպատվեր։

Օգոստոսի 27-ին ԼաԲելան մաստեր-կլաս կանցկացնի հայ ուռուցքաբանների համար։

Մասնագետի այցը Հայաստան կազմակերպել է «Մեդունի» բարեգործական ընկերությունը։ Պացիենտների գրանցումը կտեւի մինչեւ օգոստոսի 13-ը։

Մեկնաբանություններ

Համընկնող լուրեր