Կսկսվի ցուրտ ճակատի ներխուժումը
Դեռևս օգոստոսի 27-ին ՇՄՆ Հիդրոօդերևութաբանության և մոնիթորինգի կենտրոնի կանխատեսած բարձր ջերմային ֆոնն արդեն իրականություն է:Այս մասին հայտնում է ՀՀ ՇՄՆ հիդրոօդերեւութաբանության եւ մոնիթորիգի կենտրոնի տնօրենի տեղակալ Գագիկ Սուրենյանը.«Եթե մինչև այս Հայաստանի ամենատաք գոտիներում գրանցվում էր 33-34 աստիճան, ապա այժմ բարձրացել է 5-7 աստիճանով:
Ամենաբարձր ջերմաստիճանները գրանցվել են օգոստոսի 29-ին Արարատյան դաշտում և Երևանում՝ հասնելով մինչև 38-39 աստիճանի, այսօր 1-2 աստիճանով ջերմաստիճանը բարձրացել է, կհասնի 38-40 աստիճանի:
Իրաքից Հայաստանին են մոտեցել տաք արևադարձային հոսանքներ, ասում է օդերևութաբանը: Տաք հոսանքները մեր երկրում կպահպանվեն մինչև սեպտեմբերի 2-ը: Իրավիճակը մասնագետները գնահատում են բարձր հրդեհային: Սեպտեմբերի 2-ից հետո միայն կտրուկ կզովանա:
Ցուրտ ճակատի ներխուժումը կսկսվի սեպտեմբերի 3-ի առավոտյան: Ջերմաստիճանը կնվազի 10-12 աստիճանով, եթե հիմա 38-40 աստիճան է, ապա սեպտեմբերի 3-ին հանրապետության ամենատաք գոտիներում, Երևանում ցերեկային ժամերին ջերմաստիճանը չի գերազանցի 28-30 աստիճանը»:
