Գիտնականները քաղցկեղի բուժման արդյունավետությունն արագ գնահատելու միջոց են գտել
Մեծ Բրիտանիայի գիտնականները մշակել են մի մեթոդ, որի միջոցով կարելի է արագ չափել T-բջիջների քանակը քաղցկեղային ուռուցքի մեջ եւ դրա հիման վրա կանխատեսել, թե ինչպիսիսն կլինի օրգանիզմի արձագանքը իմունոթերապիային: Այս հետազոտության արդյունքները հրապարակվել են Nature ամսագրում:Ամբողջական էկզոմի հաջորդականացումը քաղցկեղային ուռուցքի ԴՆԹ-ին թույլ է տալիս հասկանալ, թե ինչպես են դրանք զարգացել պացիենտի մոտ: Սակայն դեռեւս հնարավոր չի եղել դրա օգնությամբ գնահատել հիվանդի օրգանիզմում իմունային բջիջների թիվը: Այժմ Լոնդոնի համալսարանական քոլեջի եւ Ֆրենսիս Կրիկի ինստիտուտի հետազոտողները մշակել են T-բջիջների V (D) J վերամիավորման գնահատման միջոցը՝ գործընթաց, որի միջոցով T-բջիջները ձեւավորում են հակագեն ճանաչող ընկալիչներ: Գիտնականները հայտնաբերել են ինդիկատոր, որը խոսում է T-ռեցեպտորային օղակների կորստի մասին, որոնք այս բջիջների հասունացման նշան են:
Ինչպես նշում են գիտնականները, այս կորուստի քանակական գնահատականով հնարավոր է կանխատեսել իմունային համակարգի կողմից քաղցկեղային բջիջներից խուսափելու եւ ընդհանրապես քաղցկեղի իմունոթերապիայի արձագանքի արդյունավետությունը, մասնավորապես, դա ցուցադրվել է թոքերի ադենոկարցինոմայի դեպքում: Ըստ գիտնականների՝ այս մեթոդը կօգնի գնահատել «արգելակիչներով» բուժման արդյունավետությունը՝ «ճանապարհային արգելափակումներ» կոչվող սպիտակուցներով, որոնք խանգարում են T-բջիջների չափազանց ուժեղ իմունային պատասխանին:
