Աֆղանստանում ամերիկյան լքված զենքը գնահատվել է 85 միլիարդ դոլար
Աֆղանստանում ամերիկացիների թողած զենքի քանակը, որի ընդհանուր արժեքը կարող է գնահատվել 85 միլիարդ դոլար, սարսափեցնում է։ «Զվեզդա» հեռուստաալիքի եթերում հայտարարել է Ռուսաստանի ռազմատեխնիկական համագործակցության դաշնային ծառայության տնօրեն Դմիտրի Շուգաևը, գրում է «ՌԻԱ ՆՈՎՈՍՏԻ» գործակալությունը։«Անկեղծ ասած, այս թիվը՝ 85 միլիարդ, պարզապես սարսափեցնում է... մտածեք թվերի մասին՝ 22 հազար զրահապատ ավտոմեքենա, 358 հազար ավտոմատ հրացան, 176 հրետանային կայանք, 8 հազար բեռնատարներ, տրանսպորտային ինքնաթիռներ, հարյուրից ավելի ուղղաթիռներ»,- ասել է նա։
Խոսելով Աֆղանստանից ամերիկյան բանակի շտապ փախուստի մասին՝ Շուգաևը նշել է, որ ավելի վատ հորինված սցենար չէր կարող լինել:
«Ամերիկացի գործընկերների կանխատեսելիությունն ու հուսալիությունը չեն դիմացել ժամանակի աջակցությանը։ Նման դեպքերում ասում են, որ իրենք իրենց ոտքին կրակել են», - ընդգծել է Շուգաևը։
Հիշեցնենք, որ Աֆղանստանում իրադրությունը սրվել է այն բանից հետո, երբ «Թալիբան» շարժման ջոկատները լայնածավալ հարձակման ընթացքում վերահսկողություն են սահմանել Աֆղանստանի հյուսիսում գտնվող մի շարք շրջանների նկատմամբ՝ այստեղ տեղակայված կառավարական զորքերին ստիպելով հատել Տաջիկստանի հետ սահմանը և նահանջել հարևան երկրի տարածք։
