ՊՆ-ն վստահեցնում է՝ 44-օրյա պատերազմի ընթացքում հայկական ռազմական ինքնաթիռներն ու ուղղաթիռը խոցվել են ոչ թե մեր, այլ հակառակորդի կողմից
Ռուսաստանի Ռազմավարությունների և տեխնոլոգիաների վերլուծության կենտրոնը արցախյան 44-օրյա պատերազմին նվիրված «Փոթորիկ Կովկասում» վերլուծական ժողովածու էր հրապարակել՝ բացահայտելով, թե ինչ է կատարվել Արցախյան պատերազմում։Նշվել էր, որ պատերազմի ժամանակ հայկական ՌՕՈւ ՍՈւ-25 չորս գրոհային և մեկ ուղղաթիռ խոցել են հենց յուրային ՀՕՊ ուժերը։
Aysor.am-ը գրավոր հարցմամբ դիմել էր ՀՀ պաշտպանության նախարարություն՝ խնդրելով մեկնաբանություն տրամադրել տվյալ հրապարակման վերաբերյալ։
Պաշտպանության նախարարությունից Aysor.am-ին հայտնել են, որ այն ուսումնասիրվել է համապատասխան ստորաբաժանումների կողմից։
«Ուսումասիրության արդյունքներից ելնելով հայտնում եմ՝ 44-օրյա պատերազմի ընթացքում հայկական ռազմական ինքնաթիռներն ու ուղղաթիռը խոցվել են հակառակորդի կողմից», - ասված է ՊՆ գլխավոր քարտուղար Արթուր Սարգսյանի պատասխանում։
